Novas

Sas propostas de sos editores sardos

 1 martzu 2019 | Aprofundimentos

Facebook Twitter LinkedIn Posta elettronica WhatsApp Telegram

10 Puntos subra s´editoria sarda

10 Punti sull'editoria sarda

Comente est finidu su 2018 pro s´editoria sarda mèdia e pitica?
Isetende datos definitivos, chi incruant su tempus de sas festas, podimus afirmare chi su mercadu locale at registradu unu calu de sas bèndidas de su 20% in cunfrontu a s´annualidade de in antis. Est un´andamentu chi at nòghidu a tzertos setores prus de àteros, cajonadu puru dae sa mancàntzia de best seller.

In s'Ìsula sunt abbacadas sas librerias indipendentes e est crèschidu su fenòmenu de su franchising e de sas librerias de cadena guvernadas a livellu natzionale. In prus ddo´at àpidu una crèschida esponentziale de Amazon (unu 30%), chi sighit a nche mandigare su mercadu de sos puntos de bèndida ispetzializados.

Cale est s´istadu de salude de su cumpartu de s´editoria librària in Sardigna?
Sa trintina de aziendas ativas in s'Ìsula ant patidu in generale custa congiuntura econòmica negativa (in manera finas sensìbile), chi paret chi non si cheret firmare. Est connota sa realidade de editoriales chi aguantant a cantu podent, abbacant su personale, usant sa cassa integratzione e sos cuntratos de solidariedade. Calicuna addiritura est in istadu de licuidatzione.

Su calu progressivu de sas bèndidas, cun su passare de su tempus, est torrende a nudda sos isfortzos e sos investimentos de produtzione. Sas aziendas, intre milli dificultades e in s´indiferèntzia de chie aiat dèpidu esertzitare “in prenu” unu ruolu de indiritzu, ant mandadu a in antis, pro su prus a sa sola, s´impignu issoro personale, e ant rispostu a sa crisi abbachende sas tiraduras e sos tìtulos publicados, pro motivos finantziàrios ebbia. Francu carchi casu isuladu.

10 Punti sull'editoria sarda

(Iscàrriga su documentu completu in PDF)

Annu

Download