Novas

32° Salone Internazionale del Libro - Torino

 Dae 9 maju 2019 a 13 maju 2019 | Eventos

Facebook Twitter LinkedIn Posta elettronica WhatsApp Telegram

Su Salone Internazionale del Libro di Torino, lòmpidu oramai a sa de trintaduas editziones, est sa prus manifestatzione importante de Itàlia in su campu de s´editoria, sa segunda fiera in Europa comente nùmeru de espositores e sa prima comente nùmeru de bisitadores.

Salone del Libro di Torino

In su cuartieri espositivu s´agatant ogna annu mìgias de aziendas editoriales natzionales e internatzionales piticas, mèdias e mannas, pro espònnere su catàlogu issoro, partetzipare a su calendàriu fitu de addòbios, ispetàculos, eventos e cunvegnos, e partetzipare a sos apuntamentos professionales riservados a sos de su setore ebbia. Est su puntu de riferimentu e de addòbiu prus mannu intre sos operadores professionales de su libru: editores, librajos, bibliotecàrios, maistros de iscola, agentes, tradutores.

Sa fortza sua si basat subra diferentes identidades in echilìbriu tra issas. Su Salone di Torino est a su matessi tempus sa libreria italiana prus manna de su mundu, unu festival culturale prestigiosu, unu puntu de riferimentu essentziale pro sos operadores professionales de su libru e un´ispàtziu briosu dedicadu a sos letores giòvanos.
Torinu duncas est una meta chi non si nde podet fàghere a mancu siat pro su profilu istitutzionale siat pro sa retza de sos editores de Sardigna, ca partetzipende a su Salone de su libru si podent lograre obietivos de promotzione culturale, visibilidade e inserimentu in unu mercadu potentziale caraterizadu dae nùmeros mannos a beru e ateretantas oportunidades de mercadu e sèberos de istrategia aziendale.

Bae a su situ ufitziale

Annu