Nàschidu in Casteddu in su 1909, est crèschidu in Biddacidru. Cambiadu chi si ch´est a Pisa pro cumintzare s´universidade, est intradu in un´ambiente culturale vidale meda. At pòdidu afitianare a sos cursos de Momigliano e de Russo e a su grupu de sa rivista "Letteratura".
In su 1954, a pustis de àere traballadu in sas iscolas de unas cantas tzitades italianas, at otènnidu s´incàrrigu de ispetore de su Ministeru de sa Pùbblica Istrutzione.
Giuseppe Dessì at iscritu meda, ponende sa Sardigna a protagonista de sas òperas suas. Sos tìtulos prus famados sunt: La città rotonda (1930), La sposa in città (1939), Michele Boschino (1942), L´isola dell´angelo (1949), La frana (1950), I passeri (1953), Il disertore (1961), e su traballu suo prus mannu, Paese d´ombre (1972), chi at bintu su Premio Strega. Pois chi si ch´est mortu, in su mese de treulas de su 1977, in Biddacidru ant istituidu su prèmiu literàriu "Giuseppe Dessì" e una fundatzione.
Bibliografia
La sposa in città, Modena, Guanda,1939;
San Silvano, Firenze,Le Monnier, 1939;
Michele Boschino, Milano,Mondadori,1942;
Racconti vecchi e nuovi, Roma,Einaudi,1945;
Storia del principe Lui, Milano,Mondadori, 1949;
I passeri, Pisa,Mondadori, 1955;
La ballerina di carta, Bologna,Cappelli, 1957;
Isola dell´Angelo e altri racconti, Roma-Caltanìssetta, Sciascia,1957;
Introduzione alla vita di Giacomo Scurita Venezia,Mondadori, 1959;
Racconti drammatici, Milano, 1959;
Il disertore,Milano, Mondadori,1961;
Lei era l´acqua, Milano, Mondadori,1966;
Paese d´ombre,Milano,Mondadori, 1972;
La scelta, Milano, Mondadori,1978;
Come un tiepido vento, Palermo, Sellerio, 1989;
Diari 1926/1931, Roma, Jouvence, 1993;
Diari 1931/1948, Roma, Jouvence, 1998