Salvatore Satta (1902-1975)
Salvatore Satta, iscritore e giurista, est nàschidu in Nùgoro in su 1902. Si est laureadu in Giurisprudentzia in su 1924 cun una tesi chi pertocàt su sistema revocativu fallimentare e est istadu assistente de Antonio Segni. At traballadu in Macerata, Genova, Padova e Roma e in su 1939 si est cojuadu cun Laura Boschian e cun issa at tentu duos fizos. Faghende s´avocadu e su giurista at pubblicadu istùdios giurìdicos meda che su Commentario al Codice di Procedura Civile e Diritto processuale civile. Est gràtzias a sa famìglia sua chi nois connoschimos Salvatore Satta comente romanzieri puru: cando si ch´est mortu, sa famiglia, forroghende in sas cartas de su giurìsta, at agatadu, in mesu de sas paginas de una agenda betza, unu manuscritu de unu romanzu, intituladu Il giorno del giudizio. S´òpera, cumintzada in su 1970, presentat una filera de personàgios chi s´iscritore at pintadu cun una chirca psicologica pinnicosa meda. A cumintzu custu libbru no est istadu calculadu pro nudda dae sa crìtica. A pustis de una pariga de annos invetzes est istadu pubblicadu dae s´Adelfi e est diventadu una chistione mundiali. A dies de oe su romanzu est tradùsiu in deghessete limbas e est cussideradu un´òpera literària de importu mannu
Bibliografia
- De profundis, Milano, Adelphi 1980
- Il giorno del giudizio, Padova, Cedam, 1977-1978
- Il giorno del giudizio, Prefazione di G. Steiner, Nuoro, Ilisso 1999
- La veranda, a cura di A. M. Morace, Nuoro, Ilisso 2002
- L´autografo del giorno del giudizio, edizione critica a cura di G. Marci, Cagliari, Centro di Studi Filologici Sardi/Cuec, 2003
- Soliloqui e colloqui di un giurista, Nuoro, Ilisso 2004
- Il giorno del giudizio, Nuoro, Il Maestrale 2006