Su Ditzionàriu de sa Limba e de sa cultura sarda (DitzLcs) bolet èssere unu primu veru e normale ditzionàriu e chistit materiale - foedhos, significaos e manígiu - de totu is foedhadas de su sardu, variantes, sinónimos e contràrios. Ispiegau in su sardu de mesania e iscritu totu a una régula parívile ma arrispetandho dónnia foedhada, s´òpera contat prus de 111.000 lemmas, 42.900 ´campos´ de fraseologia cun esémpios a bortas fintzes medas, figuras e disegnos, ischedas de verbos coniugaos, prus de 12.000 maneras de nàrrere, provérbios, sambenaos, numencladura iscientífica.
Prus de 22.000 lemmas portant sa tradutzione a chimbe limbas europeas (francesu, inglesu, ispagnolu, italianu e tedescu) e dónniuna est cun is foedhos chi arresurtant in órdine alfabbéticu in s´Imbesse a manera de lòmpere a su sardu fintzes partendho de donniuna de is chimbe limbas.
Mario Puddu (1944-)
Mario Puddu, nàschidu e fatu mannu in Illorai, pastore fintzas a degheot´annos, s´est laureadu in pedagogia in s´Universitade de Casthedu e faghet su professore in Santuanni Suérgiu. Autore de su romanzu autobiogràficu Alivertu e de Pro chi líbera torres e sias!(poesias), ponet contivizu pro dare fortza a su sentidu natzionale de sos Sardos.
Bibliografia
Contos e faulas (con altri), Alfa, Quartu Sant´Elena 2003.
Pro chi líbbera torres e sias!, Calarighe, San Giovanni Suèrgiu 1991.
Ditzionàriu de sa limba e de sa cultura sarda, Condaghes, Cagliari 2000.
Istória de sa limba sarda, Domus de Janas, Ceraxus 2000.
Totu su sardu, Condaghes, Cagliari 2001.
Un catechismo in sardo del 1777 (con Tonino Cabizzosu), L´Unione Sarda, Cagliari 2004
Alivertu. Sa colonizatzione de unu pastore, Condaghes, Cagliari 2004