Custa regorta de contos est unu de sos risultados de su progetu “Biblioteca Casa di Quartiere”, aparitzadu dae su Comune de Ceraxius, finantziadu dae su Mibact cun su bandu “Cultura Futuro Urbano” e cuncordadu dae sa Biblioteca Comunale. A intro de custu progetu, sa domo editora Condaghes at aprontadu unu cursu pro imparare a fàghere sos libros eletrònicos. A s´agabbu de su laboratòriu, cun sa collaboratzione de sa Fundatzione Faustinu Onnis Onlus, sos dischentes ant realizadu s´eBook in onore de unu de sos poetas e iscritores in limba sarda prus connotos de Sardigna.
Faustinu Onnis (Santu Èngiu, 1925 – Ceraxius, 2001) est istadu unu de sos poetas in limba prus mannos de sos ùrtimos tempos. Òmine de gabbale, at dedicadu totu sa vida a istudiare e valorizare sa limba e sa cultura de Sardigna. Pro medas annos at collaboradu a sa rivista “S´Ischìglia” e at fundadu e diretu sa rivista “Paràulas”. Un´àtera parte importante de s´atividade sua est istadu s´impignu in prèmios literàrios medas: mescamente cussos de Otieri e su Prèmiu Campidanu. A intro de su libru podides lèghere sa biografia cumpleta sua.
Faustino Onnis (1925-2001)
Nàschidu in S. Gavino Monreale in su 1925. A deghesset´annos d´ant denuntziadu a su tribunale militare pro àere fatu atividade soversiva e pro àere inzuliadu a Mussolini.
At trabballadu che a mastru de muru, cartzolàju, tzillerarzu, rapresentante, infermieri.
Pois de s´èssere firmadu a bìvere in Selàrgius, at trabballadu in sa rivista "S´Ischiglia", èssende connoschidore bonu de sos poetas improvisadores campidanesos.
At pubblicadu unu "Glossàriu sardu campidanesu" (1996).
In su 1993 est bessidu su libbru Perdas, inue capint totu sos versos suos.
Bibliografia