In custa graphic novel, me is montis de una Sardìnnia "antiga" de su sèculu XIX, is protagonistas funt duus, unu est Bachis, unu piciocheddu chi non biit s´ora de connosci su mundu, pò issu intreverau de mistèriu, de is mannus, unu chi bolit fai cosas noas e atrividas, ponendi a sa proa, pò primu, a issu etotu e s´atru estTziu Gonàriu, unu crabaxu, mannu de edadi, chi bivit assolau, ma chi est puru un´òmini de cabali, un´òmini sàbiu chi bivit in su giustu. Est in sa cassa a su sirboni biancu, chi nemus incussus annus nci fiat arrennèsciu a bòciri, ca ndi bessint a pillu custus duus personàgius de difarèntzia manna de edadi ma chi s´agatant apari, tenendi cunfiantza e fidi s´unu in s´atru, coment´e grandus amigus.