Su Legendàriu est un´arregorta ´agiogràfiga´ ki arregollit is biografias de corantaduas santas de sa Crèsia Arromana. Podeus nai ki, de custa manera, su Garipa sigat sa ´traditzioni´ de is contus de is vidas de is màrtiris e de is santus, cumenti iant fatu atrus iscridoris e agiògrafus ke Antoni Canu e Geròlamu Araolla umperendi sa lìngua sarda, e is atrus autoris ki invecis iant scritu in latinu, in italianu, cadelanu o spanniolu.
Giovanni Matteo Garipa (1580-1640)
Juvanne Mateu Garipa (Giovanni Matteo Garippa) est nàschidu in Orgòsolo a s´acabu de XVI sègulu, intr´´e su 1575 e su 1585. Fit fizu de Bernardino Garipa e Juvanna Fois. At studiau filosofia e teologia, forsis in Tàtari. Scieus ki est istadu ordinadu pride in Casteddu su 12 de Martzu de su 1612. Est istadu pride in Foghesu e Retori de Baunei e de Triei, faci a is annus 1615-1625. Po carki tempus fìat andau a bivi in Roma, ma no scieus su poita.
S´òpera sua prus connota est su Legendariu de santas virgines et martires de Iesu Christu, cum sa vida de S. Maria Maddalena et S. Francisca Romana, tradùsiu de s´italianu e imprentau in sardu in su 1627. Cust´obra est dedicada a sas zovanas de Baunei e Triei.
Bibliografia