Servìtzios

Books in Sardinia

Su portale Books in Sardinia incoràgiat sa connoschèntzia e sas atividades de cuncàmbiu culturale a livellu internatzionale, pro promòvere sa tradutzione e sa difusione de sas òperas publicadas in Sardigna, colende·nche sas làcanas naturales de un'ìsula ermosa e rica de tradutziones e cultura.

Est una vetrina importante e articulada, cun su catàlogu in lìnia e ischedas curtzas de letura.
Est una prataforma coidada dae s'AES, s'assòtziu de categoria de sos editores chi tenent sa sede legale e sotziale in Sardigna chi pùblicant libros, rivistas, cartografia e produtos de s'editoria eletrònica multimediale, ebook e epub, distribuidos in libreria e/o in canales cummertziales, in limba italiana e in limba sarda e in sas variedades linguìsticas presentes in Sardigna.

Cheret èssere una retza europea chi pòngiat a cumone su patrimòniu de sas diferentes comunidades de su Mediterràneu, torrende a sa Sardigna una tzentralidade chi non siat geogràfica ebbia.

Favorit un'oportunidade leve e direta de cuntratatzione de sos deretos intre sos operadores, sos autores e sos editores, dende sa possibilidade de pòdere "tastare" sas òperas signaladas dae sas editoriales, pro more de sa setzione riservada.

Sos operadores interessados a sa còmpora de sos deretos de tradutzione podent compilare su mòdulu cunforma a sa protzedura de registratzione.